Pakigbiya sa Amigo

Dako atong kalipay sa pag-abot sa atong mga amigo sa atong kinabuhi. Labaw na kung na sinati nato nga nag-inusara lang kita diria sa kalibutan. Kadako sa kalipay kung naa kitay kauban sa pakigistorya sa mga problema nato, sa mga pagbati nga atong gusto ipagawas, ang kauban sa paghilak kung aduna kitay ginakahilakan, kauban sa pagdawat sa kasaba sa atong mga ginikanan, kauban sa pagkatawa sa mga panahon na malipayon kita.

               

Ing-ana kalami ang kinabuhi kung aduna kitay kauban, busa ingon pa sa kadaghanan, “Walay tao nga gainusara”.                Sa isahan lang ka-text, abtik sila gayud mu-reply. Sa isa ka siyagitan og TABANG!, anaa sila dayon para motubag sa atong mga panginahanglanon.

               

Kanindot sa pamati kung kamo mismong duha mag sinabtanay. Pero mao pud kamaot sa pamati kung kamo mismo sa inyong amigo naglalis og wala nagkasinabtanay. Kasamok, kaguol, gamay nga kalagot, pipila kini sa mga masinati nato sa atong pakiglalis sa atong mga amigo. Siguro kaning pakiglalis nahulog tungod kay naa moy nakita sa usa’g usa na wala mo ginahi. Siguro tungod kay naa moy dili pareho nga ideya og gusto ninyo i-insist ang gusto ninyo nga ideya. Siguro tungod kay naay kumento nga gihatag sa imoha og wala ka ginahi, mao nang naglalais. O siguro naa moy na diskubre sa usa’g usa nga wala mo nagdahum og katong iyang gipakita kay mao pay dili nimo ginahan sa katanan….

               

Pangutana, amigo pa ba ang matawag nimo sa iya?

               

Unsa man jud diay ang amigo?

               

Mao bi kini ang muhatag lang sa imo og kalipay sa tanang panahon? Magpagaan sa imong gibati? Ang magpakatawa kanimo? Kani lang ba …….

               

Kuhaon nako ang konsepto sa Bibliya sa paghatag og kahulugan sa pulong nga amigo. Ang usa ka amigo kay andam ihatag ang iyang kinabuhi para sa iyang amigo.

                Paghatag sa iyang kinabuhi sa panahon nga siya nanginahanglan niya. Sama pud sa paghatag  sa iyang kinabuhi, ang pagdawat niya kung unsa pa man siya, ginahan man ka o dili.

               

Paghatag kini sa kinabuhi tungod kay gilimot nimo imong sarili, ang tanan sa imo sama sa mga butang nga anaa kanimo, sa mga butang nga dili nimo ginahan, og uban pa. Og sa paglimot nimo sa imong sarili dinha nimo mahatag ang imong sarili, tungod kay kung gilimot na nimo ang imong sarili pasabot ana dili na ikaw ang tag-iya ana. Og kung gilimot nimo imong sarili para sa imong amigo, pasabot ana gihatag na nimo kini sa imong amigo.

               

 Sama sa usa ka tao nga adunay emergency nga tulubagon, diba iyang biyaan o kalimtanan ang tanan nga ginabuhat para lang mutubag sa panginahanglan nga ginapangayo sa mga taong gatawag niya.

Kung kita nakita nato ang mga butang na dili nato ginahan sa atong amigo og karon ra nimo kini nahibaw-an sa pagkadugay-dugay ninyong pagkuyog, human kay biyaan na nimo siya, pasagdaan na nimo siya sa iyang kinabuhi, nagbag-o na imong pagtagad kaniya, wala na ka ginahi niya, og hinay-hinay na mawala ang inyong pagka-amigo. Pwes, dili ka TINOOD nga amigo niya.

               

Kung kita nakita nato ang mga butang na dili naton ginahan sa atong amigo og karon ra nimo kini nahibaw-an sa pagkadugay-dugay ninyong pagkuyog, human kay kaubanon gihapon nimo siya, tabangan gihapon nimo siya sa iyang kinabuhi, wala nagbag-o  ang imong pagtagad kaniya, ginahan gihapon ka niya, og gakusog ang inyong pagka-amigo. Pwes,TINOOD ka nga amigo niya.

               

Karon mao kini ang atong problema sa pagtawag og amigo. Ang amigo sa atoa kay sama na lang sa usa ka kugon, mayra sa sugod…..

               

Sa mga tao nga gitawag og AMIGO sa ubang tao SA SUGOD, unta maghinay-hinay kita…. Maghuna-huna kita… magbantay kita sa mga tao nga atong tawagon nga amigo. Dili lalim ang naay kuyog sa paglangoy kung katong kuyog nimo biyaan lang kag kalit labaw na kung ang gibiyaan kay dili kabalo molangoy.

               

Dili lalim ang naay kuyog sa pagsulod sa kweba nga biyaan lang og kalit labaw na kung talawan sa ngitngit ang gibiyaan. Dili lalim ang mukaon sa kan-anan nga adunay kuyog nga kamo parehas nakalimot og dala sa inyong kwarta human molakaw siya og una og nag-inusara na lang ka.

               

Grabe pa atong ngisi, katawa, kalipay sa sugod kay tungod nasinati nato nga aduna jud tay kauban sa kinabuhi, nga aduna jud kitay kauban sa pagkatawa og paghilak, pero unsaon na lang kaya kung muabot ang panahon na dili na sila ginahan sa atoA, hinay-hinay dili na siya mo-text nato, wala nay tawag sa cell phone, wala nay kitaay, wala nay istoryahanay, og wala nay amigohay.

               

Naa pa kayay kamot na andam modawat kanato, kasing-kasing na andam mohigugma kanato, mata nga mosabot  kanato, og ilahang pagkatao na andam ihatag kanato…..

               

Amigo…

               

Amigo…

               

Amigo…

               

Ikaw, nasinati na ba nimo ang mobiya og gibiyaan?

               

Tinood ba ka nga amigo…….